‘ലോകകപ്പിൽ ഇന്ന് ഇന്ത്യ-പാക് ക്ലാസിക് പോരാട്ടം; എല്ലാ കണ്ണുകളും അഹമ്മദാബാദിലേക്ക്

രോ​ഹി​ത്തി​ന്റെ​യും വി​രാ​ടി​ന്റെ​യും ബാ​റ്റു​ക​ളും ജ​സ്​​പ്രീ​തി​ന്റെ പ​ന്തും വാ​ചാ​ല​മാ​കാ​നൊ​രു​ങ്ങു​ന്ന അ​ഹ്മ​ദാ​ബാ​ദ് ന​രേ​ന്ദ്ര മോ​ദി മൈ​താ​ന​ത്ത് ഇ​ന്ന് ക്രി​ക്ക​റ്റി​ലെ ഏ​റ്റ​വും ആ​വേ​ശ​ക​ര​മാ​യ അ​യ​ൽ​പോ​ര്. ലോ​ക​ക​പ്പി​ൽ ഏ​ഴു​വ​ട്ടം മു​ഖാ​മു​ഖം നി​ന്നി​ട്ടും ഇ​ന്ത്യ​ക്കെ​തി​രെ ഒ​രി​ക്ക​ൽ പോ​ലും ജ​യി​ക്കാ​നാ​യി​ല്ലെ​ന്ന മോ​ശം റെ​ക്കോ​ഡ് മ​റി​ക​ട​ക്കാ​മെ​ന്ന മോ​ഹ​വു​മാ​യി പാ​കി​സ്താ​ൻ പാ​ഡു​കെ​ട്ടു​മ്പോ​ൾ ഇ​തു​വ​രെ​യും കാ​ത്ത അ​പ​രാ​ജി​ത കു​തി​പ്പ് തു​ട​രാ​നാ​ണ് ആ​തി​ഥേ​യ​രു​ടെ അ​ങ്ക​ക്ക​ലി.

അ​മി​താ​ഭ് ബ​ച്ച​നും ര​ജ​നി​കാ​ന്തും പോ​ലു​ള്ള ഇ​തി​ഹാ​സ​ങ്ങ​ൾ ക​ളി കാ​ണാ​നെ​ത്തു​ന്ന മൈ​താ​ന​ത്ത് ഇ​ത്തി​രി നേ​ര​ത്തേ ആ​ഘോ​ഷം കൊ​ഴു​പ്പി​ച്ചാ​കും മ​ത്സ​ര​ത്തി​ന് തു​ട​ക്ക​മാ​കു​ക.

കടലാസിൽ മുൻതൂക്കം ഇന്ത്യക്കു തന്നെ. ബാറ്റിങ്ങിലും ബൗളിങ്ങിലും നിലവിലെ പ്രകടനംവെച്ച് ഏതു കൊമ്പന്മാരെയും അനായാസം മുട്ടുകുത്തിക്കാൻ ആതിഥേയർക്ക് ശൗര്യം ഇത്തിരി കൂടും. മുമ്പ് ജാവേദ് മിയാൻദാദും ചേതൻ ശർമയുമെന്ന പോലെ സചിനും ശുഐബ് അക്തറുമെന്ന പോലെ ഏറ്റവുമൊടുവിൽ വിരാട് കോഹ്‍ലിയും വഹാബ് റിയാസുമെന്നുമുള്ള ദ്വന്ദങ്ങൾക്കു സമാനമായി ഇത്തവണയുമുണ്ട് മുഖാമുഖം നിൽക്കാൻ ഇരുവശത്തും ഏറ്റവും കരുത്തർ.

രോ​ഹി​ത്തി​നെ​തി​രെ ശ​ഹീ​ൻ അ​ഫ്രീ​ദി​യും കോ​ഹ്‍ലി​ക്കെ​തി​രെ ഹാ​രി​സ് റ​ഊ​ഫും ബാ​ബ​ർ അ​അ്സ​മി​നെ​തി​രെ ബും​റ​യു​മെ​ന്ന​തെ​ല്ലാം സാ​മ്പ്ളു​ക​ൾ മാ​ത്രം. ക​ണ​ക്കി​ലെ ക​ളി​ക​ളി​ൽ മു​ൻ​തൂ​ക്കം നേ​ടി​യാ​ലും ഏ​തു നി​മി​ഷ​വും ഫ​ലം മാ​റ്റാ​ൻ ശേ​ഷി​യു​ള്ള ക്രി​ക്ക​റ്റി​ൽ പാ​കി​സ്താ​ൻ ക​രു​തി​വെ​ച്ച ചി​ല വ​ജ്രാ​യു​ധ​ങ്ങ​ൾ ക​ളി നി​ർ​ണ​യി​ക്കു​മോ​യെ​ന്നാ​ണ് ആ​രാ​ധ​ക​ർ കാ​ത്തി​രി​ക്കു​ന്ന​ത്.