‘ആര്‍ട്ടോളം’ ലോഗോ പ്രകാശനം ചെയ്തു
കണ്ണാടിപ്പറമ്പ്: ദാറുല്‍ ഹസനാത്ത് ഇസ്‌ലാമിക് കോളേജ് 2023-24 ആര്‍ട്‌സ് ഫെസ്റ്റിന്റെ ലോഗോ പ്രകാശനം ദാറുല്‍ ഹസനാത്ത് പ്രസിഡന്റ് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വ്വഹിച്ചു. ‘ആര്‍ട്ടോളം’ എന്ന ശീര്‍ഷകത്തില്‍ ഓക്ടോബര്‍ 5 മുതല്‍ 29 വരെ 300ഓളം ഇനങ്ങളിലായി 400ഓളം വിദ്യാര്‍ത്ഥികള്‍ മാറ്റുരക്കും. ദാറുല്‍ ഹസനാത്ത് സെക്രട്ടറി പി പി ഖാലിദ് ഹാജി, അഡ്മിനിസ്‌ട്രേറ്റര്‍ ഹൈദര്‍ അലി ഹുദവി, ആര്‍ട്‌സ് ഫെസ്റ്റ് കണ്ട്രോളര്‍ സിനാന്‍ എം മെരുവമ്പായി എന്നിവര്‍ സംബന്ധിച്ചു. ഡിഗ്രി രണ്ടാം വര്‍ഷ വിദ്യാര്‍ത്ഥി അഫ്‌നാന്‍ എല്‍ കെ മട്ടന്നൂരാണ് ആര്‍ട്‌സ് ഫെസ്റ്റിന്റെ ലോഗോ രൂപകല്‍പന ചെയ്തത്.
Click To Comment
