വാർഷിക ആഘോഷം സംഘടിപ്പിച്ചു
ചട്ടുകപ്പാറ: ഇ എം എസ് സ്മാരക വായനശാല & ഗ്രന്ഥാലയം ചട്ടുകപ്പാറ 18-ാം വാർഷിക ആഘോഷം നടത്തി. കെ വി സുമേഷ് എം എൽ എ ഉദ്ഘാടനം നിർവഹിച്ചു. കുറ്റ്യാട്ടൂർ ഗ്രാമ പഞ്ചായത്ത് പ്രസിഡണ്ട് പി പി റെജി അധ്യക്ഷത വഹിച്ചു.
സി പി ഐ എം മയ്യിൽ ഏരിയ സെക്രട്ടറി എൻ അനിൽ കുമാർ, തളിപ്പറമ്പ് ലൈബ്രറി കൗൺസിൽ അംഗം പി പ്രശാന്തൻ, വാർഡ് മെമ്പർ പി ശ്രീധരൻ എന്നീവർ സംസാരിച്ചു. വായനശാല സെക്രട്ടറി കെ വി പ്രതീഷ് റിപ്പോർട്ട് അവതരിപ്പിച്ചു. എ കൃഷ്ണൻ സ്വാഗതവും വായനശാല പ്രസിഡണ്ട് കെ സന്തോഷ് കുമാർ നന്ദിയും പറഞ്ഞു.
വനിതാവേദിയുടെ മെഗാ തിരുവാതിര, പൂതപ്പാട്ട് ദൃശ്യാവിഷ്കാരം, മാർഗ്ഗം കളി, മൂകാഭിനയം, ബാലവേദിയുടെ നൃത്തനൃത്യങ്ങൾ, യുവജന വേദിയുടെ സിനിമാറ്റിക് ഡാൻസ്, മാണിയൂർ ആർട്സിന്റെ നാടകം എന്നിവയും അരങ്ങേറി.
Click To Comment
